ILOILO CITY — Nagaguwa sa isa ka pagtuon nga kalabanan sa mga naga-suprer sang lung cancer amo ang naga-edad 70-anyos pasaka.
Sa interview sang Bombo Radyo kay Dr. Rhea Anne Celis, Head sang Lung Care Center – Western Visayas Medical Center, iya ginpahayag nga nakadependi sa edad sang isa ka tawo kun san-o ini nagsugod expose sang iya kaugalingon sa mga bagay nga makaapekto sa iya baga, kaangay na lamang sa pagpanigarilyo.
Suno kay Celis, kun bata pa nga nagpanigarilyo ang isa ka tawo, posible nga maka-angkon ini sang cancer sa baga sa edad nga 40-anyos.
Apang kalabanan sa kaso sa Pilipinas, naga-edad na 70 ang gina-igo sang amo nga balatian.
Ginpahayag man niya nga makaapekto man ang lifestyle sang tawo ilabi na kun ini ang nagatrabaho sa mga factory nga may mga chemical nga makatuga sang sakit sa baga.
Gin-athag man sini nga may posibilidad man nga makaapekto ang asthma kag makatuga sang lung cancer.
