ILOILO CITY– Nagakadapat nga tutukan kag hatagan sang nagakaigo nga atensyon ang nagataas nga kaso sang suicide sa Iloilo City.
Sa interview sang Bombo Radyo kay Kagawad Rudolf Ganzon, iya ginpahayag nga ginakasubo niya ang nagakatabo nga pagsuicide sang mga biktima.
Suno kay Ganzon, kalabanan sa mga rason sang pagsuicide amo ang depresyon kag bullying.
Sa depresyon suno sa iya kalabanan diri amo ang indi ma meet ang expectation sang mga ginikanan, manunudlo lakip na ang problema sa paghigugma.
Tion na suno kay Ganzon nga maghatag sang tion ang mga ginikanan, agud mas makilala ang ila mga kabataan.
Mas maayo man suno sa natungdan nga may yara sang mga workshops sa komunidad, agud mahibaluan kun ano ang nagakatabo sa mga kabataan.
