PAVIA ILOILO– Nagkalain-lain nga aktibidad ang nakahanda para sa patigayunon nga Kapistahan 2019 sa banwa sang Pavia, Iloilo.
Sa interview sang Bombo Radyo kay Pavia Mayor Michael Gorriceta, iya ginpahayag nga may yara sila sang carabao- carroza race, coronation sang Miss Carabao- Carroza, palagwaon sa simbahan kag iban pa nga aktibidad.
Suno kay Gorriceta, 47 anyos na nila nga ginahimo ang aktibidad bilang pagkilala sa mga mangunguma kag ang kaupod sang mga mangunguma sa pagtrabaho nga amo ang carabao.
Ginpabugal man niya nga nakasulod sa top 5 sa probinsya ang Pavia bilang banwa kun sa diin nag-improve ang kabuhi sang mga tawo.
Pahayag pa ni Gorriceta nga sila sa banwa sang Pavia ang padayunon nga nagadumdum kag nagakilala sa sakripisyo sang mga mangunguma kag sang mga carabao nga ginagamit sa pagpanguma.
