Nagahina na bala ang imo nga palamatin-an?
Suno kay Dr. Joy Celyn Ignacio, ear, nose and throat specialist, isa sa nagapanguna nga kabangdanan sang paghina sang palamatin-an amo ang edad nga naga-umpisa sa edad nga 50.
Ini bangud nga kun nagatigulang ang isa ka tawo, madamo na ang exposure sini sa mga medications nga nagapaguba sang palamatin-an, exposure sa noise ukon gahod kag iban pa nga mga balatian kaangay sang chronic kidney disease.
May mga bulong man nga mahimo makapahina sang imo palamatin-an.
Kaangay na lang sang pila ka mga antibiotic kag mga bulong para sa tuberculosis ukon cancer.
Ini ang rason kun ngaa ginapaidalom pa sa hearing test ang pila ka mga pasyente antes pa-imnon sang pila ka mga sahi sang bulong.
Mahimo man nga maghina ang palamatin-an sang tawo kun may balatian.
Isa na diri kun may yara ikaw sang sip-on.
Gani panugyan sang specialista, kun may yara ikaw sang sip-on kag nagasakit ang imo nga dulunggan, magpakonsulta gid sa doctor bangud may posibilidad nga infection na ina.
