ILOILO CITY – Nag-angkon sa nagkalain-lain nga reaksyon gikan sa mga subscribers ang ginpatuman nga Mandatory SIM Card Registration Bill.

Sa interview sang Bombo Radyo kay alyas Jewel, isa ka subscriber, iya ginpahayag nga wala pa ini nakapa-register, apang nahibaluan na sini ang proseso agud makaparehistro.

Suno kay Jewel, kun ikaw isa ka menor de edad, sarang nga kinanglanon ang valid IDs sang ginikanan agud ma-activate ang SIM card.

Pabor naman diri ang natungdan sa diin ginalantaw niya ini nga solusyon agud mauntat ang mga scam messages nga iya nabaton.

Nahibaluan nga subong nga adlaw epektibo ang mandatory registration sang tanan nga subscriber identification module.