ILOILO – Nagkalain-lain nga ideya ang ginhimo nga separator sang mga driver sang depampasahero nga jeep sa probinsya sang Iloilo agud ma obserba ang physical distancing.
Ini ang kasunod sang pagpaidalom sa General Community Quarantine sang Western Visayas sa diin ginapahanugutan na ang pagbalik sang byahe sang mga pampubliko nga salakyan apang kinahanglan nga sundon ang pag obserba sang physical distancing, pagsuksok sang face mask kag 50% lang nga mga pasahero ang kinahanglan akomodaron.
Lakip sa mga separator nga ginhimo sang pila ka mga driver amo ang mga plastic bottle, karton sang juice kag ilimnon.
Sa simple nga diskarte sang mga driver, nangin pamaagi ini agud nga masunod ang physical distancing measure samtang mandatory naman ang pagsuksok sang face mask.
