GUIMARAS – Naglab-ot na sa masobra 251 ang mga ang na-isyuhan sang citation ticket bangud sa paglapas sa “The New Normal” ordinance sa Guimaras.
Santo sa Provincial Ordinance No. 2020-04 ukon “An Ordinance Prescribing for Measures and Policies Against Emerging and Re-Emerging Infectious Diseases in the Province Thereby Establishing the “New Normal” in Connection Therewith”, P500 ang multa sa first offense, P1,000 sa second offense kag P1,500 naman sa third offense.
Sa exclusive interview sang Bombo Radyo kay Guimaras Vice Governor Atty. John Edward Gando, iya ginpahayag nga napasakaan naman sang kaso ang 32 sa mga ini bangud sa pagpakatig-a sa pagbayad sang multa sa sulod sang tatlo ka adlaw.
Sa nasambit nga numero, 18 ang pending, kag walo naman ang mga menor de edad.
Ginpahayag ni Gando nga adlaw-adlaw ang ginapatigayon nga pagpatrolya agud masiguro nga ginasunod ang mandatory nga pagsuksok sang face mask, face shield kag ang physical distancing indi lang sa nga pumuluyo kundi mangin sa mga turista.
