Nagapanawagan ang Oton Municipal Police Station sa publiko nga magpalapit sa otoridad kun sin-o ang may namutikan ukon nahibal-an may kaangtanan sa pagpangawat sa gasoline station kag nagtaban sang vault nga may unod nga kapin tunga sa milyon ka pesos nga cash.
Natabo ang insidente sang nagligad nga Martes sang kaagahon, Marso 29, sa amo nga banwa.
Sa interview sang Bombo Radyo kay Police Major Kenn Albert Lepsia, hepe sang Oton Municipal Police Station, iya ginpahayag nga wala pa gihapon subong natumod kun sin-o ukon sanday sin-o ang mga suspek sa amo nga pagpangawat apang padayon ang imbestigasyon.
May yara man sang closed-circuit television (CCTV) nga kinahanglan i-check kag may yara man sang footages nga indi klaro ang nawong sang mga tawo.
Matandaan nga sandig sa nagpa-blotter nga empleyado, sang nag-abot sila sa opisina sang amo nga gasoline station, bukas na ang pwertahan kag wala na ang vault kag ginabulubanta nga masobra sa P400,000 ang unod.
