Gintawag nga “Our beautiful governor” sang chief of staff ni Dr. Ferj Biron si Iloilo Vice Governor Christine “Ting-ting” Garin kadungan sa ginhiwat nga Committee hearing sa Sangguniang Panlalawigan.
Sa interview sang Bombo Radyo kay Garin, iya ginpahayag nga mahimo nagsala lang si Lemuel Fernandez sa pagtawag sa iya nga “governor”.
Suno sa iya, bisan ano lang nga posisyon ang iya plano nga padalaganan sa 2022 elections.
Gindepensahan naman ni Garin ang iya paglibot sa probinsya.
Pahayag sang bise gobernador, sadto pa lang nagalibot na siya sa mga kabarangayan agud man mahibaluan ang ila mga concerns.
Dugang pa sang natungdan, nagareklamo ang iban nga tawo kun wala sang may gina-ubra ang pulitiko apang kun may ginaubra naman, may yara sa gihapon sang reklamo nga mabatian.
Matandaan nga ang amo ni Fernandez nga si Biron ang nagbunggo sadto kay Iloilo Governor Arthur Defensor Jr sa gubernatorial elections, apang wala ini magdaog.
