Nagahanda na ang Ninoy Aquino International Airport (NAIA) sa pagdugok sang mga tawo sa paluparan sa pihak sang pandemya.
Kaangot sini, nagpagwa sang pagsulundan ang Civil Aviation Authority of the Philippines (CAAP) sa pagpadulong sa paluparan.
Suno kay CAAP Spokesperson Eric Apolonio, nagakadapat nga sundon ang physical distancing sa entrance sang paluparan.
Kinahanglan man nga i-scan anay ang Traze App QR Code nga nakapilit sa kada entry sang terminal.
Dapat man nga ipatuman ang physical distancing sa mga check-in counter tubtub sa boarding gates.
Layu-anay naman man ang mga pasahero antes magsakay sa eroplano.
Ginadumilian man ang pagsaylo-saylo sang pulungkuan para sa contact tracing, apang maghimo naman sa ulihi nga magtupaday bangud kada duha tubtub tatlo ka minutos, gina-ilisan sang air filter ang hangin sa sulod sang eroplano.
Nagakadapat man nga may suksok ng face shield, magluwas lang kung magkaon.
Sa subong, manubo pa ang numero sang mga nagapadulong sa paluparan.
Posible suno sa otoridad nga madamo sang mga namahalan ukon nabudlayan sa pagkuha sang mga requirements kaangay sang Reverse transcription polymerase chain reaction (RT-PCR) ukon antigen test nga requirement antes makalupad.
Santo sa data sang CAAP, 37,000 ka mga pasahero ang nagpadulong sang terminal sang Nobyembre nga mas manubo sa 2 million nga narekord sang Nobyembre 2019.
Wala naman ginalauman nga magadamo pa ini subong nga Disyembre ilabi na nga may pito ka mga paluparan nga wala nagabaton sang commercial flights.
“We expect that. Marami talaga kasi may restrictions, unang una we need antigen and rt pcr test which is very expensive yung mga pasahero they might as well save their money for celebration sa Manila,” pahayag ni Apolonio.
Subong nga Disyembre, nagdangat sa 4,696 ka mga departing passengers ang narecord sa sulod sang NAIA, nga mas manubo sa 32,475 nga narekord sang nagligad nga tuig.
Mga balikbayan ang ginalauman nga magadugok sa NAIA subong nga Disyembre.
Samtang suno naman kay Department of Transportation Undersecretary Raul Del Rosario, ginpataas na sa 5,000 kada adlaw ang batunon nga pasahero sang NAIA halin sa iban nga pungsod halin sa anay 2,000 tubtub 3,000 nga mga pasahero.
“Pagka-nagkadikit dikit ang flights at pag nag-increase ang flights yung magsasabay-sabay ng pagdating kaya magkakaroon ng longer processing time at dito lalabas ‘yung mga kaunting sakripisyo ng ating arriving passengers. May delay ng konti at ito naman yung pilit namin ginagawan ng paraan,” pahayag ni Transportation Undersecretary Del Rosario.
Nagpasalig naman ang mga laboratoryo nga tinguhaan nila nga ipagwa sa sulod sang isa ka adlaw ang result sang swab test agud makapauli gilayon ang mga pasahero sa ila tagsa ka mga pamilya sa tion nga may negatibo nga resulta.
Panugyan sang NAIA, mas maayo nga mag-usisa sa mga local government unit nga padulungan sang ila mga kinahanglanon nga requirement kaangay sang COVID-19 test, ano nga klase sang test kag pila ka adlaw ang validity sini.
Nagakadapat man nga i-download ang Traze app bangud ginapangayo ini sa halos tanan nga mga entry points tubtub sa padulungan nga destinasyon.
Nagakadapat man nga magdala sang valid nga ID kag magbalon sang malawig nga pasensya.
