Liwat nga gintanyag sang Department of Labor and Employment (DOLE) ang TUPAD ukon Tulong Panghanap Buhay para sa Displaced Workers Program para sa mga nawad-an sang trabaho sugod sang ginpatuman ang enhanced community quarantine ukon ECQ.
Suno kay Labor Secretary Silvestre Bello III, ang unemployed kag self-employed workers, lakip na ang nagatrabaho sa non-formal sector kaangay sang mga vendors, drivers, kag helpers ang mahimo nga maka-apply para sa emergency employment.
10 ka adlaw ang ihatag nga trabaho suno kay Bello kag ihatag man dayon ang sweldo paagi sa remittance center.
Suno sa DOLE, may minimum period of 10 days ang emergency employment kag maximum sang 30 ka adlaw — depende sa nature sang trabaho nga ihatag.
Nagpangabay man ang DOLE sa Department of Budget and Management nga maghatag sang P2 billion bangud ginapahayag ‘fully utilized’ na ang pondo sang DOLE.
Kulang suno kay Bello ang pondo para sa formal workers bangud informal workers na lang ang natigan-an sang kwarta.
