Ginkalipay sang pila ka mga tag-iya sang non-essential establishments ang pagpahanugot na sang ila operasyon matapos ginpaidalom na ang Iloilo City sa Modified Enhanced Community Quarantine ukon MECQ epektibo subong nga adlaw, Agusto 16.
Sa interview sang Bombo Radyo kay Emily Feller, tag-iya sang isa ka karinderya sa syudad sang Iloilo, iya ginpahayag nga apisar 10 percent sang seating capacity lang ang ginapahanugutan, bentaha na ini agud nga may yara man sila sang kita sa tunga sang mapin-ot nga sitwasyon tuga sang pandemya.
Suno kay Feller, kuntani nga magpadayon na ang pagpahanugot sa ila operasyon.
Matandaan nga sa idalom sang pagsulundan sa MECQ status sang syudad, pwede ang al freso dining ukon pagkaon sa open setting apang limitado sa 50 percent sang seating capacity kag balik naman ang personal care services kaangay sang operasyon sang salon kag barber shops apang limitado lang sa 30 percent nga venue capacity.
