ILOILO CITY – Nagpreparar sang nanari-sari nga mga aktibidad ang Zonta Club Iloilo City II para sa mga kababainhan, iloy, kag mga kabataan.
Ini ang kabahin sang 16 Days of Activism Against ‘Violence, Against Women and Children’, bilang pag-obserbar sa International Day for the Elimination of Violence Against Women.
Sa interview sang Bombo Radyo kay Grace Poli Blair, presidente sang Zonta Club Metro Iloilo, iya ginpahayag nga tinutuyo sang aktibidad ang pag-promote sang justice kag universal respect para sa Human Rights kag fundamental freedoms ilabi na sa mga kababainhan.
Suno kay Blair, pila sa mga programa para sa mga iloy amo ang “Responsible Ina Ng Tahanan/Nanay” kun sa diin tudluan ang mga ini sang emergency techniques sa sulod sang panimalay, kag nagakaigo nga tikang agud magsalbar sang kabuhi.
Kasugpon diri suno sa natungdan, tudluan man ang mga ini kun paano mag-budget para sa matag-adlaw.
Nahibaluan nga ang mga programa sang Zonta Club of Iloilo City ang gin-updan sang Bureau of Jail Management and Penology (BJMP) – Female Dormitory in Iloilo City agud maghatag sang livelihood opportunities para sa mga babaye nga preso.
