Patay ang isa ka mangunguma matapos gintiro sang lalaki nga ginsukot niya sang P50 nga utang sa Zone 6, Barangay Camaya, Mariveles, Bataan.
Ang biktima amo si Rodito Pido Ramirez, 44-anyos, residente man sang lugar.
Ang suspek amo si Roger Patac Lampaso,29-anyos.
Base sa imbestigasyon, nagkadto si Ramirez sa balay ni Lampaso agud sukton sang iya utang.
Apang, hinali lang nabatian ang lupok sang pusil kag nakit-an ang biktima nga duguon.
Madasig naman nga nalagyo ang suspek apang natigayon nga madakpan kag nagapangatubang sang kaso nga homicide.
Suno sa otoridad, posible nga may kaangtanan ang insidente sa iligal nga droga.
