Plano nga hatagan sang permanente nga opisina sang Iloilo City Government ang National Police Commission ukon NAPOLCOM.
Ini ang ginpahayag ni Iloilo City Mayor Raisa Treñas kadungan sang iya pagtambong bilang guest speaker sa selebrashon sang ika-60 nga anibersaryo sang NAPOLCOM sang Setyembre 18.
Suno kay Mayor Treñas, nagpangayo sang bulig si NAPOLCOM Regional Director Atty. Benjamin De Ausen Florentino nga mahatagan sila sang permanente nga opisina.
Ginpahayag man sang alkadle nga may yara na ini sang ihibalo nga masobra na 30 ka tuig ang NAPOLCOM nga nagaserbisyo sang syudad apang wala pa sa gihapon sang ila nga permanente nga opisina.
Bangud sini, nagpangita sang paagi ang City Government sang mga available nga spaces sa syudad nga pwede tukuran sang opisina sang nasambit nga opisina.
Dugang pa ni Mayor Treñas, halos tanan nga pasilidad sang city government ang ginapriyoridad sa ahensya sang Philippine National Police (PNP) rason nga dapat parehas man ang mabaton nga suporta sang NAPOLCOM.
Ini bangud, suno sa alkalde, ang duwa ka ahensya ang nagabuligay agud masiguro nga nagapabilin ang safety kag security sang publiko sa rehiyon.
