Napolcom, ginkumpirma nga wala sa gihapon nabalik ang police power sang mga alkalde sa Maasin, Calinog kag Guimbal, Iloilo

ILOILO CITY – Ginpaathag sang National Police Commission (Napolcom) ang basehan sa paghatag ukon pagkansela sang deputization ukon police power sang mga local chief executives ukon mga alkalde.

Sa interview sang Bombo Radyo kay Atty. Joseph Celis, director sang Napolcom Region 6, iya ginpahayag nga ang paghatag sang deputization ang nakadepende sa Regional Director, Provincial Director ukon City Director sang Philippine National Police (PNP).

Ang mga natungdan suno kay Celis ang ma validate sang listahan sang mga alkalde sa diin ginabase nila ini sa karakter.

Apisar liwat nga napilian ang isa ka alkalde, kun may yara sang kaso kag indi maayo ang karakter, sa gihapon, indi ang mga ini mahatagan sang deputization power.

Suno kay Celis, sa subong ang mga lugar nga ginkakasan sang deputization amo ang banwa sang Maasin, Calinog kag Guimbal, Iloilo.