ILOILO CITY – Ginpakamalaot sang National Police Commission 6 ang akto sang mga kapulisan nga nagkaladakpan nga nagpalusot sang makahululubog nga ilimnon.
Sa interview sang Bombo Radyo kay Atty Joseph Celis, Director sang National Police Commission 6 iya ginpahayag nga daw kaangay nga planado kag organisado ang tanan nga operasyon sang lima ka mga kapulisan nga nagkadaladakpan.
Suno kay Celis, nagapati siya nga may yara pa sang mas mataas nga tawo sa likod sang mag nasambit nga kapulisan nga amo ang nagasuporta sa ila gani nahimo nga natigayon ang ilegal nga operasyon.
Dugang sang natungdan, isa man sa kabangdanan nga ginatan-aw nila kun ngaa daw kaangay nga maisog ang mga kapulisan nga magpatigayon sang ilegal nga buluhaton amo ang interes nila sa kwarta.
Santo sa pahayag ni Celis, sila sa National Police Commission ang wala naga tolerar sang mga ilegal nga akto sa diin may kaangtanan ang mga kapulisan gani sila mismo ang magasigurado nga mapasakaan sila sang nagakaigo nga kaso.
