POTOTAN, ILOILO – Handa nga magpatigayon sang Moto Propio Investigation ang National Police Commission batok sa duha ka pulis nga nagpahubog kag nagmaoy sa sulod sang vicinity sang Pototan Municipal Police Station sa Pototan, Iloilo.
Sa interview sang Bombo Radyo kay Atty. Joseph Celis, Regional Director sang National Police Commission 6, iya ginpahayag nga may yara sang kinamatarong ang National Police Commission nga magpatigayon sang Moto Propio Investigation ilabi na kun naulamid sa kontrobersiya ang Philippine National Police.
Suno kay Celis, nagakadapat nga pahalinon sa serbisyo ang mga dungol nga pulis nga kasubong nanday Patrolman Joerick Ace Ilisan kag Police Corporal Esil Peñarubia bangud nga madamu sang mga tarong nga nagahandum nga magsulod sa hanay sang Philippine National Police.
Ang natabo nga pagpahubog sang duha ka pulis kag ang paghangkat ni Patrolman Ilisan sang away sa hepe nga si Police Major Ronnie Brillo ang makabig nga paglapas sa Code of Professional Conduct and Ethical Standards sang Philippine National Police.
