Nagpatigayon sang monitoring ang National Police Commission ukon NAPOLCOM Region VI matapos makabaton sang impormasyon may kaangtanan sa ginaalegar nga pagpanakit sang mga pulis sa isa ka bolantero sa Calinog, Iloilo.
Sa interview sang Bombo Radyo kay Atty. Michelle Yotoko, spokesperson sang NAPOLCOM Region VI, iya ginpahayag nga gina-validate na sang ila nga imbestigador kun ano ang matuod nga natabo.
Suno pa sa iya nga ang monitoring, maga focus sa ginaalegar police anomalies ang irregularities sa ginapahayag indi insakto nga pag-aresto sa isa ka indibidwal.
Gindugang man niya nga kun mapamatud-an nga may ara sang lapses sa bahin sang kapulisan, magapangatubang man ang mga ini sang nagakadapat nga penalty.
Suno kay Yotoko, pinakamataas nga penalty nga mahatag sang NAPOLCOM, amo ang dismissal from the service kag pinakanubo naman ang six months suspension.
Sa subong padayon pa ang ginapatigayon nga imbestigasyon sang NAPOLCOM agud mahibaluan ang kabilugan nga natabo.
