Wala sang nakita nga problema ang National Police Commission (NAPOLCOM) sa pagpanubo sang minimum height requirement sa Philippine National Police (PNP).
Ini ang kasunod sang pag-apruba sang House of Representatives ukon kamara sa final reading sang House Bill 8261 ukon “PNP, BFP, BJMP and BuCor Height Equality Act.”
Sa idalom sang hagna, ang female applicants ang dapat may kataason nga 1.57 meters (5’2”) samtang ang male applicants ang dapat may kataason nga at least 1.62 meters (5’4”).
Sa exclusive interview sang Bombo Radyo kay Atty. Joseph Celis, Director sang NAPOLCOM Region 6, iya ginpahayag nga wala nakabase ang abilidad sang isa ka tawo sa iya nga kataason.
Suno kay Celis, madamo sang lideres ang may yara sang kakulang sa kataason apang mas alisto, mas maalam kag praktikal kun ipaanggid sa mga mataas.
Kun madamo suno kay Celis sang talento kag kapisan ang isa ka tawo, indi matakos sa kataason ang serbisyo publiko.
Matandaan nga may kaangay nga hagna ang ginpasar man kag gin-aprubahan sang senado nagligad nga tuig.
Ini ang ginpamunuan ni Senator Ronald “Bato” Dela Rosa sa diin katuyuan sini ang pag-adjust sang height requirement sa mga luyag mangin kabahin sang uniformed personnel sang Pilipinas.
