Nagpagwa ang National Aeronautics and Space Administration (NASA) sang pila ka mga laragway sang Earth halin sa capsule window sang Artemis II samtang padayon nga nagabiyahe ang grupo pakadto sa bulan.
Sang Abril 1, 2026, ginlunsyar halin sa Kennedy Space Center sa United States ang isa ka “10-day mission” sang Artemis II nga ginalakipan sang apat ka mga astronaut.
Ginalakipan ini nanday Reid Wiseman, ang Navy test pilot kag commander sang mission halin sa NASA.
Kalakip man si Victor Glove, isa man ka naval test pilot, Christina Koch nga isa ka engineer ang record-holding astronaut nga una nga babayi nga magalupad pagwa sa kalibutan.
Amo man ang Canadian Space Agency nga si Jeremy Hansen, isa ka fighter pilot nga una nga non-NASA astronaut nga magaupod sa lunar mission.
Amo ini ang una nga tion halin sang 1972 nga may mga astronaut liwat nga nakalab-ot lampas sa low Earth orbit.
