Gin-postpone sang NASA ang naka-schedule kuntani nga spacewalk sa guwa sang International Space Station bangud sang warning nga may yara sang mga flying “debris”.
Duha ka semana na ang nagligad, may anti-satellite test nga ginpatigayon ang Russia nga nagtuga sang zooming shrapnel sa orbit kag rason kun ngaa napwersa ang mga katapo sang International Space Station nga mag-scramble sa ila spacecraft para sa ila safety.
Wala gin-mensyonar sang NASA ang amo nga Russian test sa ila nga announcement, apang una na nagpaandam ang isa ka Nasa official nga may yara sang slightly elevated risk sa mga astronauts bangud sang insidente nga natabo sang Nobyembre 14.
Ang spacewalk sang NASA ang pangunahan kuntani nanday Dr. Thomas Marshburn kag Kayla Barron. Plano nila nga bayluhan ang naguba nga communications antenna. Anum ka oras kag tunga kuntani ang kinahanglan agud nga makumpleto ang amo nga task. ##
