Naglab-ot na sa 40 ang nasapwan nga bangkay sa Basilan, matapos nga naglugdang ang RoRo vessel nga MV Trisha Kerstin 3 sang tinalikdan nga Enero 26.
Base sa impormasyon nga nakuha sang Philippine Coast Guard, ila ginpahayag nga may ara liwat nga nakit-an nga tatlo ka mga bangkay sa suno sa Hadji Muhtamad local government.
Duha ang nasapwan sa Baluk-Baluk Island, samtang isa naman sa Lantawan Island.
Nahibalu-an nga yara na sa Zamboanga City ang bangkay sang mga biktima para sa proper disposition.
Madumduman nga may ara sang 316 survivors ang nasambit nga insidente.
Sa subong, padayun pa ang imbestigasyon sang Maritime Industry Authority (MARINA) bangud sa mga pahayag sang nga survivors nga may ara sang madamo nga kakulangan ang kumpaniya sang naglugdang nga RoRo vessel.
