Nagpagwa sang bag-o nga pagsulundan ang National Inter-Agency Task Force (IATF) natuhoy sa travel pasulod kag pagwa sa Western Visayas umpisa subong nga adlaw, Marso 23 tubtob Abril 4.
Ini nga pagsulundan amo ang Resolution no. 104, series of 2021.
Ini man ang gin-aprubahan nanday Juan Jovian Ingeniero, Regional Director sang Department of the Interior and Local Government (DILG) Region VI, Jose Roberto Nuñez, Regional Director sang Office of Civil Defense 6 (OCD-6), kag gin-attest ni Emilia P. Monicimpo, Regional Director sang Department of Health (DOH) Region 6.
Nasaad sa amo nga pagsulundan nga ang mga ‘essential traveller’ lamang ang pahanugutan nga magbyahe pasulod kag pagwa sang Rehiyon 6.
Ang mga pasahero nga ginapahanugutan nga makabyahe amo ang mga masunod:
- Health and emergency frontline personnel;
- Mga government official kag government frontline personnel;
- Duly authorized humanitarian assistance actors;
- Mga indibidwal nga nagabyahe para sa medical ukon humanitarian nga mga rason;
- Mga tawo nga kinahanglan magpadulong sa airport agud makabyahe sa luwas sang pungsod;
- Mga indibidwal nga nagatabok para sa trabaho ukon negosyo kag nagapauli sa ila nga mga balay; kag
- Returning Overseas Filipino kag Overseas Filipino Workers
Samtang, ang mga pasahero naman nga indi pagpahanugutan nga makabyahe pasulod sa Western Visayas amo ang mga masunod:
- Returning Residents sang Western Visayas nagikan sa Bulacan, Cavite, Laguna, Rizal kag National Capital Region (NCR).
- Mga inbound nga indibidwal nagikan sa Bulacan, Cavite, Laguna, Rizal kag National Capital Region (NCR) nga ang katuyuan amo ang magbakasyon ukon leisure.
Gina-abisuhan naman ang mga opisyal sang Local Government Unit nga istrikto nga ipatuman ang minimum public health standards sa publiko kag pribado nga lugar kag ulubrahan sa area of jurisdiction santo sa pagsulundan nga ginaptuman sa mga lugar nga yara sa idalom sang Modified General Community Quarantine (MGCQ).
