MANILA– Ginaduso sa subong sang Inter-Agency Task Force ang pagpatuman sang National ID system agud mas mapadasig ang paghatag sang nagakaigo nga bulig kag serbisyo sa mga ‘vulnerable’ nga grupo.
Ang Philippine Identification System Act ang gindisenyo ni Presidente Rodrigo Duterte sadtong Agosto 2018 nga nagamando sa gobyerno nga maghimo sang single identification para sa tanan nga Pilipino lakip na sa foreign residents.
Ang national ID ang nagalakip sang kumpleto nga pangalan, gender, blood type, date kag place of birth, marital status, address kag picture sang nagapanag-iya sini.
Suno kay Cabinet Secretary kag Inter-Agency Task Force on Emerging Infectious Diseases co-chair Karlo Nograles, dako ang mabulig sang national ID kun may yara sang krisis kaangay nalang subong nga may yara sang pandemya.
Mas mahapos suno kay Nograles ang pagpangita sang trabaho ilabi na sa mga bag-o lang nakatapos sa pagtuon, mga nadulaan sang trabaho, lakip na ang pagkuha sang serbisyo sang gobyerno nga kinahanglanon.
