PASAY CITY – Lunsay national issue ang gin-istoryahan sa pagsinapol kagab-i sang mga Local Chief Executive kaupod si Pres. Rodrigo Duterte sa Pasay City.
Sa interview sang Bombo Radyo kay Mayor Ronaldo “Onal” Golez sang Dumangas, Iloilo, iya ginpahayag nga lakip sa mga gin-istoryahan amo ang tuhoy sa terorismo, insurhensya kag ang Novel Coronavirus health scare.
Suno kay Golez, ginpahanumdom sa ila ni Pres. Duterte nga dapat nga ang Local Chief Executive mismo ang magapanguna sa pagpatuman sang lihok agud nga matapna ang paglapta sang nasambit nga balati-an.
Ginpahayag ni Golez nga liwat nga ginpahanumdom sang Presidente nga likawan ang pag panic kag sundon lang ang ginapanugyan sang gobyerno agud nga makalikaw sa balati-an.
