Gin-aprubahan na ni Presidente Rodrigo Duterte ang National Soil Health Program (NSHP) sang pungsod.
Katuyuan sini nga mapasangkad kag mapanami ang kondisyon sang mga masakiton kag gubaon nga kadutaan agud matamnan sang mga utanon kag iban pa nga lokal nga produkto sang pungsod.
Suno kay Department of Agriculture Secretary William Dar, igapatuman sang ila ahensya ang National Soil Health Program sang pungsod pinaagi sa Bureau of Soils and Water Management humalin subong nga tuig tubtob sa 2023.
Pahayag ni Dar, ang nasambit nga proyekto ang may pondo nga P523.57 million.
Nagapati naman ang Department of Agriculture nga ang kadutaan ang pundasyon sang agrikultura rason nga nagakadapat ini nga i-preserba, protektahan kag sagudon agud padayon nga makapatubas sang masustansya nga mga pagkaon para sa mga Filipino.
“As soil is the foundation of agriculture, we must therefore protect, preserve, and nurture it to sustainably produce adequate, affordable, and nutritious food for all Filipinos,” pahayag ni Dar.
