ILOILO CITY – Magapatigayon sang facilitated Subscriber Identity Module registration ang National Telecommunications Commission Region VI upod sa mga telecommunications companies sa covered gym sang Carles, Iloilo sa Enero 27.
Sa interview sang Bombo Radyo kay Atty. Deo Virgil Tan, legal officer sang ahensya, iya ginpahayag nga ang tanan nga mga service providers ang magapadulong sa Carles agud nga magbulig sa mga nabudlayan sa pagparehistro ilabi na ang mga senior citizens.
Suno pa kay Tan, mangin ang mga kaiping nga lugar ang mahimo man nga magpadulong sa lugar.
Sa subong, nagdangat na sa masobra sa duha ka milyon ang rehistrado nga Subscriber Identity Module cards.
