𝗠𝗔𝗡𝗜𝗟𝗔 — Sa mainit nga kontrobersiya nga ila ginapangatubang, ang nation’s girl group, BINI, ginpili nga pahagan-haganon ang sitwasyon paagi sa pag-poke fun sa isyu.
Sang damlag lang, ang girl group ang gin-ulan sang mga malain kag matigdas nga mga komento bangud sa ila pagsuksok sang mask, shades, kag cap sa ila flight arrival sa Cebu.
Nag-angkon ini sang traction nga nagresulta sa negatibo nga mga komento gikan sa pila ka mga netizen.
Sa kasagsagan sang issue, sa baylo nga batyagon ang pagpakamalaut, ang mga dalagita may isa ka makahalam-ot nga ideya bilang ila nga response sa mga bashers.
Sa isa ka serye sang mga litrato nga ginpaambit, ang mga katapo sang P-pop nga grupo ang nakita nga naga-pose samtang nagasuksok sang mga hoodies, sweatpants, kag full-face mask, nga halos kaangay sang American hip-hop dance crew, nga Jabbawockeez.
Maathag naman nga naghatag gid sila sang tion agud matuman ang plano, bangud makita nga ang ila mga hoodies ang ginmarkahan sang isa ka simbolo nga kaangay sang letra B, nga mahimo magtindog para sa ila ngalan sang grupo, BINI.
Nahibaluan nga ang mga litrato ang ginkuha antes sang isa pa ka flight para sa ila BINIverse tour sa Gensan City.
