Wala sang kamatuoran ang mga huring-huring nga ipaidalom ang Pilipinas sa “nationwide lockdown” subong nga holiday season.
Suno kay Presidential Spokesman Atty. Harry Roque, ang nagalagaw nga text message nga ipaidalom sa lockdown ang pungsod humalin sa Disyembre 23 tubtob Enero 3 ang wala sang basehan.
Pahayag ni Roque, fake news ang nasambit nga impormasyon.
Nagapanawagan naman si Cabinet Secretary Karlo Nograles sa mga Filipino nga likawan ang pagpalapta sang unverified information.
