ILOILO CITY – May ginapreparar na nga espesyal nga regalo ang pamilya ni Miss Universe 2017 Demi Leigh Nel-Peters para sa beauty queen kadungan sang pagbalik sini sa South Africa subong nga adlaw para sa iya homecoming.
Sa interview sang Bombo Radyo Iloilo, ginpahayag ni Dr. Elizabeth Peters, stepmother ni Demi Leigh, excited na sila nga sug-alawon ang beauty queen.
Apang para sa isa ka Miss Universe, wala na sila sang mahatag pa sa beauty queen suno kay Mrs. Peters.
Suno kay Dr. Peters, ang ginapreparar nila amo ang mga butang nga may sentimental value ilabi na ang makita lang sa South Africa, partikular ang pagkaon.
Lakip na diri ang South African biscuit kag ang biltong nga native delicacy sang amo nga pungsod.
Ag biltong amo ang salted dried beef ukon karne sang baka nga sa South Africa lang makita kag napat-od sini nga malipay gid si Demi Leigh apang indi niya ini mahimo balunon sa New York suno kay Dr. Peters.