Gin-athag sang myembro sang prosecution team sa impeachment trial batok kay Vice President Sara Duterte nga natural lamang ang mga pagbinaisay nga nagakatabo sa isa ka pre-trial conference.
Sa interview sang Bombo Radyo kay Lanao Del Sur Representative Zia Alonto Adiong, spokesperson sang prosecution team, iya ginpahayag nga ini bangud may ara sang tagsa ka opinion ang duwa ka kampo nga may kagustuhan nga mapamatian.
Pahayag pa sini nga kabahin sa nagapadayon nga pre-trial conference ang pagmarka sang mga ebidensya agud masiguro ang accountability mechanism kag organisado nga presentasyon sang mga dokumento.
Suno kay Adiong, mabatyagan nga seryoso ang Senado sa pag-uyat sang nasambit nga isyu kag padayon nga ginasunod ang proseso.
Dugang pa sini, apisar indi malikawan ang mga disagreement sa mga kaangay nga kaso, importante suno sa iya nga nagapadayon ang legal nga proseso kag patas nga pamaagi agud resolbahon ang mga isyu.
