ILOILO CITY – Preparasyon na para sa nagahilapit nga Semana Santa ang ginapatigayon nga inspeksyon sa eastern and western nautical highway, sang mga miyembro sang Kongreso.
Sa interview sang Bombo Radyo Iloilo, ginpahayag ni House Committee on Transportation chairman Rep. Cesar Sarmiento nga maayo nga mainspeksyon ang mga dalanon kag taytay agud makahatag sila sang rekomendasyon sa mga ahensiya sang gobyerno para sa matawhay nga pagbiyahe sang mga magapauli sa ila tagsa ka probinsiya.
Samtang ginpahayag ni Sarmiento nga pila ka mga dalanon sa Rehiyon 6 ang naobserbahan nila nga makitid kaangay sa Boracay.
Kulang naman ang pasilidad sa mga puerto sang Iloilo kun sa diin, ang iban gubaon pa ang CR.