ILOILO CITY – Ginpa-Bombo sang Brgy. Officials sang Gen. Hughes, Iloilo City ang nautod ngaposte nga ginatakdan sang mga kuntador.
Sa interview sang Bombo Radyo kay Punong Barangay Teresita Uy sang nasambit nga lugar, iya ginpahayag nga ang poste nga nagahilay ang makabig nga delikado kag mahimo nga makatuga sang katalagman sa mga pumuluyo sa ila lugar.
Ginpahayag man ni Uy nga iya gilayon nga ginpahibalo ang Panay Electric Company (PECO) apang ginapasalig lang sa ila nga kaayuhon ang poste.
Nagligad lang ang inoras suno kay Uy apang wala man sa gihapon ini nakaayo.
Kun tani suno sa Punong Barangay, indi na paghulaton sang PECO nga may matabo nga disgrasya bag-o aktuhan ang ila reklamo.
