Nagdangat na sa 25 ka mga NBA players ang nagpositibo sa Coronavirus Disease 2019 (COVID-19) humalin sang nag umpisa ang testing sang tinalikdan nga semana.
Base sa latest results pahayag sang NBA kag National Basketball Players Association, 25 sa 351 ka mga players ang nagpositibo sa nasambit nga balati-an umpisa sang Hunyo 23.
Magapa-idalom sa self-isolation ang sin-o man nga player, coach ukon team staff member nga nag positibo sa COVID-19.
Nahibaluan nga wala nadayon ang NBA 2019-20 season sang Marso 11 matapos nga nagpositibo sa COVID-19 si Rudy Gobert sang Utah.
Plano nga dayunon ang NBA season sa Hulyo 30 kaupod ang 22 ka mga teams nga wala sang tumalan-aw sa Walt Disney World sa Orlando, Florida.
