Wala preno ang puntos nga ginpaulan sang reigning NBA Most Valuable Player nga si Nikola Jokic nga amo ang nagpanguna sa kadalag-an sang Denver Nuggets batok sa Atlanta Hawks, 141-111.
48 puntos ang nahimo sang Serbian superstar nga gin-updan pa sang 14 rebounds, eight assists kag three steals.
Natabo ini matapos nga naka-56 puntos man ang star center sa hampang sang Nuggets batok sa Washington Wizards sang Domingo. Apang sang amo nga tion, nalutos ang Denver, 122-113, nga amo man ang nagtapos sang 16-game losing streak sang Washington.
Sa hampang naman batok sa Hawks, nagdugang si Michael Porter Jr. sang 26 points para sa Denver samtang nagtapos naman si Christian Braun nga may 17. Ini ang nagtuldok sa anum ka sunod-sunod nga kadalag-an sang Atlanta.
Indi naman matago ni Denver coach Michael Malone ang kalipay sa impresibo nga performance ni Jokic. Gintawag sini nga pribelihiyo ang oportunidad nga matudluan ang nasambit nga three-time MVP.
“I can’t say I’m surprised because I’ve been spoiled by having the best seat in the house to watch this guy for 10 years, to watch him do it night-in, night-out,” suno kay Malone. “I feel privileged to have the chance to coach him. I never take it for granted.”
Ini nga kadalag-an ang nagpasaka sa record sang Denver sa 12-10 subong nga season.
“It was a response that was needed,” dugang ni “There’s some stuff we can clean up, but we needed a win and we got it.”#
