Ginalauman nga makaupod si Anthony Davis sa pagsugod sang training camp sang Dallas Mavericks antes ang 2025-26 season sa National Basketball Association (NBA).
Ini matapos nga nagguwa ang reports nga nagpaidalom ini sa operasyon agud makaayo ang detached retina.
Ini ang una nga pre-season ni Davis sa Mavs. Nalakip siya sa makakilibot nga mid-season trade sa liga kun sa diin ginpadala ang Slovenian superstar nga si Luka Doncic sa Los Angeles Lakers.
Sang Pebrero, nag-debut si Davis sa Mavs nga may 26 points kag may 16 rebounds, seven assists kag three blocked shots.
Ini nga 10-time all star ang wala nakahampang sa anum ka semana apang nagbalik agud buligan ang Mavs sa play-in tournament apang sila ang na-eliminate.
Daku ang presensya ni Davis sa masunod nga season ilabi na bangud ginalantaw nga indi makahampang sang malawig si Kyrie Irvinng bangud naga-recover pa lamang ini sa torn anterior cruciate ligament sa wala nga tuhod.
Magadugang sa Mavs ang new talent nga si Cooper Flagg, 18-anyos nga collegiate standout nga number one overall selection sa NBA draft sang nagligad nga semana.
