Nangin labing-una nga team ang Cleveland Cavaliers nga nakasulod sa National Basketball Association (NBA) playoffs subong nga season.
Natabo ini matapos ang 112-107 nga kadalag-an sang Cavs batok sa Miami Heat nga amo ang opisyal nga naghatag sa team sang spot sa postseason sa ikatatlo nga sunod-sunod nga tuig.
Ini man ang makabig pinakamaayo nga performance sang franchise halin sang nakalab-ot sila sa finals sa apat ka sunod-sunod nga season sang yara pa sa ila si LeBron James sang 2015-2018.
Ang ila pagdaog batok sa Heat amo man ang ika-12 nga consecutive win subong nga season.
Nanguna sa Cleveland si Donovan Mitchell nga may 26 points kag si Darius Garland nga may 10 assists.
Matabo ang una nga round sang playoffs sa Abril 19.
Sa pihak nga bahin, 29-32 ang win-loss record sang Heat subong nga season kag nagapang-pito sa standings sa Eastern Conference.
