Mas ginpakita pa sang Cleveland Cavaliers ang ila mabaskog nga pwersa subong nga regular season sa National Basketball Association (NBA) matapos nakuha ang ika-10 nga sunod-sunod nga kadalag-an.
Ginlutos sang Cavs ang Charlotte Hornets 115-105 sa pagpanguna nanday Darius Garland nga may 25 points kag Jarrett Allen nga may 19 points kag 11 rebounds.
19 puntos naman ang ginbuy-an ni Donovan Mitchell nga ang 17 naghalin tanan sa second half samtang nagdugang man si Evan Mobley sang 17.
18 na ang ila nga daog sa 19 ka mga home games nga ginpatigayon subong nga season. Ang isahanon lamang sini nga kalutusan sa ila homecourt amo ang hampang kontra sa Atlanta Hawks sang Nobyembre 27.
Nagsaka naman sa 31-4 ang overall record sang Cavs as of press time. Halin sang Disyembre 8, wala nakaagi pirde ang amo nga team.
Sa pihak nga bahin, ini naman ang ika-10 nga sunod-sunod nga kalutusan sang Hornets kag 1-18 na ang record halin sang Nov. 18.
Sunod nga atubangon sang Hornets ang Phoenix samtang magaatubangay naman ang Cavaliers kag ang Oklahoma City Thunder nga amo subong ang nagapanguna sa Western Conference.
