Magakadto na sa Golden State Warriors ang point guard sang Brooklyn Nets nga si Dennis Schroder.
Bilang kabaylo, ipadala naman sang Warriors sa Nets ang ila injured guard nga si De’Anthony Melton kag tatlo ka second-round picks.
Magluwas kay Schroder nga isa man ka 2023 World Cup champion, makabaton man ang Golden State sang 2025 second-round draft pick (via Miami).
Nahibaluan nga may average ang 31-anyos nga si Schroder nga 18.4 points kag may career-best nga 6.6 assists sa 23 ka hampang sini sa Nets subong nga season nga pang-10 sa Eastern Conference.
Ini na ang iya pang-12 nga NBA season kag mangin ikawalo sini nga team ang Warriors matapos ang iya stints sa Atlanta Hawks, Oklahoma City Thunder, Los Angeles Lakers, Boston Celtics, Toronto Raptors, kag Houston Rockets.
Ginalauman nga ma-finalize ini nga trade subong nga adlaw kun tugutan na sang National Basketball Association (NBA) ang paghulag sang mga team.
Kun maplantsa na ang agreement, mahatagan ang Warriors sang isa pa ka shooter nga mahimo makaupod kay Stephen Curry. Pang-lima ang Golden State sa Western Conference nga may 14-10 record.
