Nagtingob-pwersa liwat sanday Luka Doncic kag LeBron James agud nga mapadaog ang Los Angeles Lakers batok sa nangayaw nga sanday Kawhi Leonard kag Los Angeles Clippers.
29 pts, six rebounds, kag nine assists ang nahimo ni Doncic samtang may 17 pts naman kag nine assists si James.
Daku man nga bulig sa team ang rookie nga si Dalton Knecht nga may 19 pts.
May anum na ka sunod-sunod nga kadalag-an ang Lakers apisar wala ang ila starters nga sanday Rui Hachimura kag Austin Reaves bangud sa injury.
Si Doncic nga nag-abot lamang sa Lakers paagi sa blockbuster trade antes ang deadline ang naka-skor na sang at least 20 pts sang apat ka beses sa lima ka nagligad nga mga hampang.
Pangaduha subong ang Lakers sa Western Conference nga may 38 ka daog kag 21 ka kalutusan, samtang nagapanguna naman ang Oklahoma City Thunder nga may 49 wins kag 11 losses.
