Magaatubangay ang Denver Nuggets kag ang Miami Heat sa Game 2 sang 2023 National Basketball Association (NBA) Finals 8:00 subong nga aga oras sa Pilipinas.
Patigayunon gihapon ang Game 2 sa Ball Arena sa Denver, Colorado.
Target sang Nuggets nga magpabilin nga undefeated sa ila home court subong nga post-season kag pasakaon sa 2-0 ang serye, samtang plano naman sang Miami nga patason sa 1-1 ang serye.
Matandaan nga Nuggets ang daog sa Game 1 sa best-of-seven series, 104-93.
Suno sa reports, posible nga magbalik na subong nga adlaw ang sharpshooting guard sang Heat nga si Tyler Herro matapos nga nag-suprer sang injury.
Ginmandu naman ni Denver Nuggets coach Michael Malone sa team ang mas mabakod nga depensa batok kay Bam Adebayo nga amo ang nagpanguna sa Heat nga may 26 points.
Mangin ang Serbian superstar nga si Nikola Jokic ang nagsiling nga wala nagakumpyansa ang Denver bisan sa ila home court advantage kag apisar daku pa ang abanse sa Heat sa imbukada nga hampang.
Bantayi ang live updates sa Bombo Radyo Iloilo.
