Magasugod na subong nga adlaw, Mayo 22, ang 2024 conference finals sa National Basketball Association (NBA).
8:00 subong nga aga (oras sa Pilipinas) maga-atubangay sa Game 1 sa Eastern Conference ang No.1 seeded nga Boston Celtics batok sa sixth-seeded nga Indiana Pacers.
Patigayunon ang imbukada nga sambuwa sa homecourt sang Celtics.
Antes nakalab-ot diri ang Pacers, ginlutos nila ang third-seeded nga Milwaukee Bucks kag ang second-seeded nga New York Knicks sa nauna nga duha ka rounds sang playoffs.
Nadag-an naman sang Celtics ang una nga round sang playoffs batok sa Miami Heat kag ang match-up batok sa Cleveland Cavaliers sa Semifinals.
Apisar underdog si Tyrese Haliburton kag ang Pacers batok kanday Jayson Tatum, Jaylen Brown kag Celtics, sila naman ang nagapanguna sa NBA sa scoring sa regular season nga may average nga 123.3 points per game samtang nagapangaduha naman ang Boston nga may 120.6 points per contest.
Kumpirmado man nga nalista nga “out” si Kristaps Porzingis sa una nga hampang sang Celtics bangud sa injury; samtang sa Indiana naman, nalista man sa injury report ang backup guard nga si Benedict Mathurin.#
