Magabalik sa Madison Square Garden sa New York City ang makahalawat-hawat nga hampang sang Knicks kag Boston Celtics 8:00 subong nga aga oras sa Pilipinas.
Ini na ang Game 6 sa Eastern Conference semifinals.
Tinguhaan sang defending champions nga mapatas ang serye sa 3-3 kag mapwersa nga matabo ang Game 7 sa Boston.
13 ka teams lamang sa NBA ang nakatigayon nga makabangon sa 3-1 deficit kag tinguhaan sang Celtics nga mahimo man ini nga wala ang ila star player nga si Jason Tatum nga nakaangkon sang injury sa Game 4.
Kun indi nila ini mahimo, maga-abante si Karl Anthony Towns kag ang Knicks sa conference finals sa labing-una nga tion sa sulod sang 25 ka tuig.
Nagahulat na sa conference finals ang Indiana Pacers nga amo ang naglutos sa top-seeded nga Cleveland Cavaliers.
Pananglitan mapalawig ang serye kag may matabo nga Game 7 sa tunga sang Celtics kag Knicks, isa ka adlaw lang ang pahuway sang winner antes atubangon ang Pacers sa finals sang Eastern Conference.
