ILOILO CITY- Ginaimbestigaran na sang NBA ang isa ka insidente sa natabo nga game 2 sa tunga sang Nuggets kag Timberwolves.
Sa amo nga hampang, ginpierde liwat sang Minnesota ang Denver sa score nga 106-80.
Sa second quarter sang hampang, ginhaboy ni Jamal Murray ang heat pack sa court bangud sa iya frustration sa referee kag sa maayo nga palad,wala sang may naigo.
Matapos ang insidente, madamo sang nagpanawagan nga i-suspend si Jamal Murray.
Natalana nga ipagwa ang resulta sang imbestigasyon kag disciplinary action batok kay Murray antes ang game 3.
