Ginakahangaw-an nga ma-sideline lamang si National Basketball Association (NBA) superstar Kevin Durant sa nabilin nga bahin sang regular season kag sa pag-umpisa sang playoffs bangud sa gin-suprer nga Grade 2 ankle sprain.
Kasunod ini sang wala nadayon nga home debut ni Durant para sa Phoenix Suns bangud sang ankle injury sang warm-ups antes ang hampang batok sa Oklahoma City Thunder.
Tatlo ka games pa lamang ang naintrahan ni Durant sa Suns halin sang gin-trade ini halin sa Brooklyn sang nagligad nga bulan.
Natalana pa ini nga magpaidalom sa magnetic resonance imaging scan agud matumod kun ano kalala ang injury.
Matandaan nga ang knee injury man subong nga season ang rason kun ngaa wala nakahampang ang 34-anyos nga NBA superstar sa 20 ka mga games sang yara pa ini sa Nets.
Sa pag-upod sini sa Phoenix sa nagligad nga mga hampang, may yara siya sang average nga 26.7 points kag 7.3 rebounds. ##
