Posible nga indi na makabalik sa nabilin nga bahin sang NBA season ang Golden State Warriors star nga si Jimmy Butler kasunod sang ginsuprer nga seryoso nga right knee injury.
Ginbuligan lamang nga makaguwa sa court ang 36-anyos nga player matapos nakabunggo kay Davion Mitchell sang Miami Heat.
Sa amo nga hampang sa Chase Center, daog ang Golden State, 135-112.
Ang Miami Heat amo man anay ang team kun sa diin nagahampang si Butler antes siya nagsaylo sa Warriors.
Natalana pa nga magpaguwa ang Warriors sang official statement sang resulta kasunod sang overnight MRI scan.
Apang antes pa sini, nagalapta na ang reports nga indi na makahampang pa subong nga season ang six-time NBA All-Star kasunod sang torn anterior cruciate ligament (ACL).
May average si Butler nga 20.1 points kada game sa iya nga full season sa Golden State.
Antes sang insidente subong nga semana, may history na nga daan si Butler sang injuries sa iya tuo nga tiil lakip na ang torn meniscus sang Pebrero 2018 kag sprained medial collateral ligament sang Abril 2024.
