Isa ka bulan nga indi makahampang ang reigning Most Valuable Player (MVP) sa National Basketball Association (NBA) nga si Joel Embiid bangud sa pagpaidalom sini sa surgery sa tuhod.
Gin-anunsyo ini sang iya team nga Philadelphia 76ers apang wala sang partikular nga petsa nga ginhatag kun san-o ini makabalik sa court.
Si Embiid, 29, amo subong ang leading scorer sa liga nga may 35.3 points per game kag may average man nga 11.3 rebounds kag 5.7 assists.
Sang nagligad lamang nga Enero 22, naghimo man ini sang rekord sang nakabubo ini sang 70 puntos kag 18 rebounds sa hampang sang 76ers batok sa San Antonio.
Martes naman sang nagsuprer ini sang injury kadungan man man sang kalutusan sang team sa kamot sang Golden State Warriors.
Nahibaluan nga wala nakapakita si Embiid sa 15 na ka mga hampang subong nga season kag ginalantaw nga factor nga indi na sini makuha ang ikaduha nga sunod-sunod nga MVP award.
Sa idalom sang pagsulundan ang NBA, kinahanglan nga makahampang ang player sa 65 regular season games agud nga mangin eligible ini sa individual awards.
Sa Eastern Conference, 30-18 ang rekord subong sang 76ers kag nagapang-lima sa puwesto.#
(Thearon W. Henderson/Getty Images)
