Nakaangkon sang oblique injury kag indi pa sigurado kun san-o liwat makabalik sa hampang ang Orlando Magic forward nga si Paolo Banchero.
Suno sa Magic, iga-evaluate liwat ang kondisyon sang 21-anyos nga basketball star sa apat tubtub anum ka semana.
Nakuha sini ang injury sa fourth quarter sa hampang sang Orlando batok sa Chicago Bulls kun sa diin nalutos ang Magic, 102-99.
“It sucks. There’s no other way to put it,” suno kay Magic coach Jamahl Mosley. “It sucks for him, the way in which he started this year, the way in which he was playing, the way he’s carrying us in so many ways. And in the same breath, you have to say it’s an opportunity — it’s an opportunity for guys to step up, step into their role, opportunity for guys to continue to play to our standard of basketball.”
Si Banchero ang nagapanguna sa ila team sa scoring (29 points per game) kag assists (5.6) matapos ang nauna nga lima ka games subong nga season.
Sa imbukada nga hampang sa pagbukas sang regular season, may 116-97 win ang Magic batok sa Miami Heat kun sa diin may 33 points kag 11 rebounds si Banchero.
May career-high 50 points man ini sa 119-115 win sang Magic batok sa Indiana Pacers nga amo ang naghimo sa iya nga second-youngest player sa NBA history nga naka-50 points, 10 rebounds and five assists sa isa lamang ka hampang (sunod kay LeBron James sang 2005).#
