Desidido ang Boston Celtics nga tapuson na ang serye batok sa Miami Heat kag mangin labing-una nga team halin sa Eastern conference nga maga-abanse sa second round sang National Basketball Association (NBA) playoffs!
7:30 subong nga aga oras sa Pilipinas patigayunon ang Game 5 sa tunga sang duha ka teams. 3-1 na ang serye kag pananglitan malutos pa liwat ang Miami, mataktak na ini sa first round.
Pananglitan mag-abanse ang Celtics, atubangon sini ang Orlando ukon ang Cleveland sa second round.
Nahibaluan nga sa Western conference, tatlo na ka teams ang nag-abanse sa second round nga amo ang Thunder, Nuggets kag Timberwolves.
Ang nagapadayon lamang nga first-round series sa West amo ang Mavericks kag Clippers nga maga-atubangay man 10:00 subong nga aga oras sa Pilipinas. Patas ang serye, 2-2.
Sa East, isa na lang man ka daog ang kinahanglan sang Cavaliers agud nga makaabanse sa bracket kasunod sang ila Game 5 win batok sa Magic sang Martes nga naghatag sa ila sang 3-2 series lead.
